EME
Ոսկերչության արվեստը՝ հնագույն և դժվարին մի արհեստ է, որը պահանջում է հմտություն և ճշգրտություն, բայց ամենից առաջ՝ սեր։
Հենց այս համոզմունքներով էլ Գաետանո Բրոջին՝ արհեստավորների մի տոհմի վերջին ժառանգը, որը մասնագիտացած էր մետաղների ոսկեպատման և արծաթապատման մեջ, 1818 թվականին Միլանում բացեց իր առաջին խանութը։ 1866 թվականն էր, երբ «Գաետանո Բրոջի և Որդիներ» ընկերությունը բացեց նոր շտաբը Սանտա Մարիա Ֆուլկորինայում, որտեղ մետաղի մշակման հետ զուգահեռ սկսվեց նաև սպասքի և սեղանի պարագաների արտադրությունը։ Այստեղ էլ ստեղծվեց այն արծաթե համաձուլվածքը, որը շուտով Բրոջի անունը ճանաչելի դարձրեց ամբողջ աշխարհում. յուրահատուկ մի համադրություն՝ փայլի, բացառիկ ամրության և էապես ավելի մատչելի գնի միջև։ Բրոջիի ընկերությունը շարունակեց աճել՝ մինչև տեղափոխվեց Պիացցա Սան Մարկո, որտեղ՝ որպես առաջինը Իտալիայում, Բրոջին սկսեց արտադրել սեղանի պարագաներ և օվալաձև իրեր։ Շուտով ընտանիքը կանգնեց զանգվածային մատակարարումների մարտահրավերի առաջ՝ սկսելով հյուրանոցային ոլորտից։